Watangazaji wa kipindi cha Planet Bongo cha East Africa Radio wameonyesha kuchukizwa na matamshi ya mwanamuziki Diamond Platnumz aliyoyatoa akifanya mahojiano na kituo kimoja cha runinga nchini ambapo baadhi wamesema ni kauli ya kijinga.
Diamond alinukuliwa akisema kuwa kwa sasa akitoa wimbo, huwa hawazi utafikaje kwenye vituo vya radio na runinga kwa ajili ya kuusambaza lakini zaidi anawaza kuhusu mitandao ya kijamii.
Kauli hiyo imeonekana kuwakwaza watangazaji hao kwani wameichukulia kama dharau anayoionyesha Diamond baada ya kutoka huku mtangazaji mmoja anayefahamika kama Juma Junior akihoji, kwanini Diamond hakutoa kauli hiyo kipindi cha nyuma kabla hajafikia hapa alipo leo?
Kwa upande wake Dulla alisema ni kweli Diamond anahitaji kutoa maelezo kufuatia kauli yake hiyo yenye utata.