Diamond Platinumz anazidi kung’aa na kuvuka mipaka ya Tanzania na baada ya kufanya collabo kadhaa na wasanii wakubwa Afrika Magharibi, mkali huyo wa Ngololo amejisogeza kwa wasanii wakubwa wa Marekani.
Diamond ambaye yuko Marekani ameonekana akiwa na Kevin Liles ambaye aliwahi kuwa rais wa Def Jam Record na makamu wa rais wa Def Jam Music Group kuanzia mwaka 1999 hadi 2004.
Hivi sasa Kevin Liles ni meneja wa wasanii wakubwa akiwemo Trey Songz na Big Sean.
Picha ya Diamond akiwa na Kevin Liles imewekwa na mmoja ya watu wa timu yake na kuandika, “Don’t ask Me what’s Next...” huku maandishi mengine yakiwataka mashabiki kumpigia kura Diamond kwenye tuzo za MTV (MAMA 2014) ikiwa ni siku mbili tu zimebaki.
Katika hatua nyingine, Diamond ametisha zaidi leo kwenye ukurasa wa Facebook wa BET baada ya kupata comments nyingi zaidi ya Davido na hivyo kuonekana anaungwa mkono na wafuasi wengi zaidi kwenye Facebook. Diamond na Davido wanawania tuzo za BET mwaka huu katika kipengele kimoja.
All The Best Diamond, nyota kutoka Tandale inayong’aa kama jina lake.